قبل ما تشتري: اعرف مميزات وعيوب منطقة الأندلس؟ وهل الاستثمار فيها مربح؟

في الـ 20 سنة اللي فاتوا.. القاهرة الجديدة بقت موطن للمناطق السكنية المميزة، واللي مصممة على مستوى عالي من الجودة؛ عشان تلبي احتياجات سكانها. ومن أهم وأجدد المناطق ديه هي: منطقة الأندلس، ومعروفة بـ ” إسبانيا القاهرة الجديدة” وده عشان جمالها، وتخطيطها العمراني الحديث، والتقسيم الداخلي الممتاز اللي بيقسم الحي لـ 4 مناطق. وفي المقال ده هنكون معاك في رحلة تعرف من خلالها تفاصيل الحي بالكامل.

(الموقع).

الحي موجود بشكل مباشر على شارع الـ90 الجنوبي، وتقدر توصله بسهولة؛ لإن بينه وبين مدخل القاهرة الجديدة- محور المشير طنطاوي- 20كم. وبمجرد ما توصل الأندلس هيكون حواليك كل الطرق والمحاور الرئيسية لإن:
 

• في شمال المنطقة: طريق النصر اللي موجود فيه منطقة النوادي، حي اللوتس، الـ90 الشمالي، ومحور محمد بن زايد وتقدر توصل منه بسهولة للعاصمة الإدارية، وطريق القاهرة- السويس الصحراوي.
•  شرقها: الطريق الدائرى الأوسطى، والـ90 الجنوبي.
•  جنوبها:  طريق العين السخنة.
•  غربها: طريق العبور، محور محمد نجيب، والتجمع الخامس.

وكل ده هيضمنلك إن مفيش وقت هيضيع في الطريق، وتقدر توصل للمناطق المهمة بشكل أسهل وأسرع.

(الخدمات).

موقع الأندلس الاستراتيجي كان له تأثير كبير على تنوع الخدمات الموجودة في المنطقة وكمان حواليها زي: 

– الخدمات التعليمية: في جنوب الحي منطقة الجامعات والمعاهد الخاصة واللي فيها: جامعة المستقبل، المعهد الكندي العالي  CIC EGYPT لتكنولوجيا الإعلام الحديث، المعهد العالي الدولي للغات والتجارة، بالإضافة إلى إنه قريب من الجامعة الأمركية والألمانية. 

– الخدمات الترفيهية: الحي قريب من أهم وأكبر مواقع الترفية والتسلية بالقاهرة الجديدة زي: منطقة النوادي(النادي الأهلي، نادي بنك مصر، نادي وادي دجلة، نادي بلاتينيوم، ونادي رويال الرياضي)، محمية الغابة المتحجرة، وبحيرة وادي دجلة.

– الخدمات التجارية: بالقرب من الحي فيه عدد مولات كبير زي: الباتيو مول، مول بوينت 90، كونكورد بلازا مول.

بالاضافة إنه قريب من أهم أحياء القاهرة الجديدة: اللوتس، التجمع الخامس وبالتالي بيستفيد من خدماتهم.

(المميزات). 

• قربه من مناطق الخدمات الكتيرة والمتنوعة ده بيعكس بشكل كبير مدى الراحة اللي هتقدر تستمتع بيها إنت وأسرتك. 
• هتقدر تستفاد من بنية تحتية ممتازة؛ لإن كل أعمال البنية التحتية الاساسية موجودة ( كهرباء، مياه، غاز)؛ بالإضافة لـنظام صرف صحي على أعلى مستوى، وطرق ممهدة، بالإضافة للشوارع الواسعة، فمثلا بيوصل عرض أضيق شوارع الحي لـ 16 متر، وده يضمن كمان عدم وجود أي إزدحام مروري.
  – الهدوء بسبب قلة الكثافة السكانية، وكثافة سكان الحي بتصل لـ 30 ألف نسمة، على مساحة 1000كم مربع، وده معناه إن كل كيلو متر مربع هيكون فيه حوالي 30 نسمة. 
• كل المشروعات بتتميز بتصميم معماري مختلف، وبارتفاع مباني منخفض: بيتكون من أرضي و3 أدوار متكررة فقط زي تصميم الفيلات. 
• مساحات خضراء واسعة، والمنطقة فيها 4 حدائق رئيسية كبيرة ومساحتها تزيد عن 6000 متر مربع وده يضمن إن جودة الصحة العامة من خلال الهواء النقي.. وبالرغم من مميزاتها الكتيرة إلا إن فيها بعض العيوب البسيطة.

(العيوب). 

•  في محطة صرف ما بين الأندلس 1 و 2 وموجودة على مساحة كبيرة وبالتالي اوحادت اللي بتطل عليها هتواجه صعوبة من  نحية الاستثمار وإعادة البيع. 
• وجود بعص المشروعات المخالفة عشان كده لازم تكوم حذر جداً وإنت بتشتري.

باختصار.. حي الأندلس هو مكان خدمي، ترفيهي، وسكني من الدرجة الأولى، وموقعه ومميزاته الكتيرة كانت سبب كبير في إنه يكون محور اهتمام المستثمرين والمطورين والسكان، بالإضافة إلى إن في 2022 أسعار العقارات في الأندلس زادت بنسبة عدت الـ 16.66%،ومتوسط مستوى الشراء بيعدي الـ 50%، وده معناه إن الاستثمار في المنطقة ديه العائد من وراه عالي، ملموس، وسريع. فـ لو عايز تأمن مستقبلك المالي، وتعرف أكتر عن أفضل الفرص الاستثمارية المتاحة في الأندلس، اكتبلنا بياناتك وهنكون معاك خطوة بخطوة. 

طـــوابـــق… نـــعـــلـــو بـــآفـــاق حـــلـــمـــك.