قبل ما تشتري: اعرف مميزات وعيوب منطقة بيت الوطن- القاهرة الجديدة.. وهل الاستثمار فيها مربح؟ 

في 2012م تم طرح المرحلة الأولى لمنطقة من أهم المناطق المصرية: وهي بيت الوطن(القاهرة الجديدة)، واتعملت في الأساس عشان تكون استثمار وسكن للمصريين المغتربين، ولكنها بشكل عام لكل المصريين، وتسمى بـالـ ( الجولدن سكوير-golden square)؛ عشان بتتوسط  أرقى وأكبر المجمعات السكنية. وفي المقال ده هتعرف كل حاجة عنها من حيث موقعها، تقسيمتها، مميزاتها، عيوبها، وهل الاستثمار فيها مضمون ومربح ولا لأ!!

(الموقع).

موجودة في الامتداد الشرقي للقاهرة الكبرى وليها اكتر من مدخل لإن:
في شمالها: مدينة الشروق, الرحاب، وطريق القاهرة السويس الصحراوى واللي يعتبر من أهم الطرق في مصر بسبب اتساعه وإنه بيربط بين جميع مدن شرق القاهرة.

في جنوبها: الـ 90 الجنوبي، محور محمد بن زايد الجنوبي وهو من أهم المحاور اللي بتربط بين القاهرة الجديدة والعاصمة الإدارية.

في شرقها: – الطريق الدائري الأوسطي واللي بيربط بين: (القاهرة الجديدة – العاصمة الإدارية – مستقبل سيتي- مدينتي- الشروق – العبور).
-العاصمة الإدارية الجديدة.. وده كان نتيجته إن بيت الوطن بيستفيد من خداماتها، وخلى ليها مكانة كبيرة باعتبارها المدخل الجديد للقاهرة الجديدة.

في غربها: منطقة اللوتس، والـ 90 الشمالي، ومنطقة النوادي.

بالاضافة إن بينها وبين مطار القاهرة 30 دقيقة، وديه نقطة مهمة ليك بشكل كبير  لو بتسافر برا مصر كتير.

(المساحة والتقسيمة الداخلية للمنطقة).

موجودة على مساحة 5500 فدان، وفيها أكتر من 16000 قطعة سكنية، والمساحة مقسمة إلى: 50% إنشاءات، 50 % للمساحات الخضراء. وده يضمن هدوء وخصوصية وهواء نقى ونضيف، وكمان الاشتراطات البنائية للمنطقة بتخلي المشاريع السكنية أشبه للفيلات؛ لإنها تتكون من (دور أرضي بحديقة خاصة، و 3 أدوار متكرر) وده معناه إن عدد الشقق قليل، والمساحة بين الوحدات السكنية واسعة، وبالتالي مفيش كثافة سكانية أو إزدحام مروري.

– والمنطقة بتتكون من 8 أحياء ويفصلهم منطقة خدمية كبيرة اسمها ( الفيو زون- view zone)، اللي بتقسم بيت الوطن إلى منطقتين الأولى فيها الأحياء الفردية: ( الحي الأول، التالت، الخامس، السابع)، والمنطقة التانية فيها الأحياء الزوجية:  (الحي الثاني، الرابع، السادس، الثامن)، ومنطقة (الفيو زون) هي عبارة عن مساحات خضراء، وفيها مناطق خدمية وترفيهية، مدارس، نوادي، ومجمعات تجارية، وبيت الوطن مخطط على أعلى مستوى من الاحترافية وبشكل يخلي كل الأحياء بتطل على منطقة الفيو زون وده يخليك تستمتع بشكل كبير بكل خدماتها وبأسهل طريقة.

وبيت الوطن ممتد وبيشمل كمان منطقتين وهم: جنوب السويس (التكميلية)، ومنطقة شمال الحي الأول وهي النورث هاوس.

عيوبها.

1- مش مناسبة ليك لو عايز سكن فوري؛ لإن معظم المنطقة لسا في مرحلة الإنشاءات، ولكن مناسبة جدًا لو هتستثمر.

2- فيها مناطق صخرية، ومناطق منخفضة ولازم تعرف المنطقة اللي هتشتري فيها هي إيه بالظبط لو صخرية هيبقى مشكلتها إنها هتاخد وقت طويل في الحفر عشان التربة تكون مهيئة للسكن، ولو منخفضة هيبقى مشكلتها تجميع المياه، و بالتالي ممكن يكون فيه صعوبة في صرفها، فلازم تتأكد إن المنطقة بتساعد على إن المياه تمشي فيها بشكل سريع.
 

مميزاتها.

1- بسبب موقعها الاستراتيجي تقدر توصل منها وإليها بسهولة، وبالتالي هتضمن إنك مش هتضيع أو وقت في الطريق.
2- بنية تحتية ومرافق على أعلى جودة، موجودة بنسبة 80% وتشمل:
– شبكة كهرباء جديدة بشكل كلي.
– شبكة كبيرة لتصريف الأمطار.
–  كابلات فايبر للإنترنت والتليفون الأرضي.
– شبكة مواصلات كاملة ومتكاملة أبرزها قطار المونوريل اللي هيضم 22 محطة، واللي هتبدأ من محطة الاستاد في قلب مدينة نصر لحد العاصمة الإدارية.

3- منطقة حيوية بشكل كبير لإنها بتطل على منطقة النوادي واللي فيها: (النادي الأهلي، نادي الشرطة، نادي الجزيرة، نادي الصيد، نادي وادي دجلة، نادي بلاتينيوم، نادي بنك مصر، نادي رويال الرياضي).

4- مميز من حيث الخدمات التعليمية؛ لإنه قريب من المدارس والجامعات المصرية والعالمية زي:
مدرسة آل ياسر، مدرسة جرين هايتس، المدرسة الكندية، المدرسة الفرنسية، المدرسة الألمانية، المدرسة المصرية للغات، الجامعة الامريكية، الجامعة الألمانية، الجامعة الكندية، أكاديمية الشرطة، جامعة المستقبل، والجامعة البريطانية.

5- وجود عدد كبير من المولات التجارية زي: كايرو فيستيفال، بوينت 90، بارك مول، جاليريا مول، سبوت مول.

هل الاستثمار في منطقة بيت الوطن مضمون ومربح؟

الموقع الاستراتيجي والمميزات اللي قولناها بالإضافة إلى إنها اتجاه من الدولة وكل ده يثبت إن العائد من وراها مضمون، واللي يأكد ده أكتر هو تاريخ المنطقة؛ لإن في سنة 2012 كان سعر المتر فيها من 4000: 4500ج، وساعتها كان فيه إقبال على المنطقة بشكل كبير، وفي بداية 2018 وبسبب تطوير المدينة ودخول البنية التحتية سعر المتر زاد بنسبة 25%، وفي سنة 2022 زاد سعر المتر كمان بنسبة 25%، وبالتالي لو إنت مستثمر فلوسك في بيت الوطن فـ إنت محافظ على قيمتها وبتزودها ومش متأثر بالتضخم.

وفيه قاعدة أمان في الاستثمار بتقول ” متبقاش من أول الناس ولا آخرهم” لإن في الأول بيكون فيه نسبة مخاطرة، وفي الآخر بيكون ناس كتير استثمرت ف ممكن متلحقش فرصة استثمارية كويسة ومتكسبش عائد عالي، فأحسن مرحلة ديماً هي اللي في النص، ولحسن الحظ بيت الوطن في الفترة ديه ؛لإن فيه ناس اشترت بالفعل من 2012  وخاطرت وكسبت، فـ لو عايز تلحق الفترة المناسبة ديه وتستثمر فلوسك وتعرف تفاصيل أكتر عن بيت الوطن.. سيبلنا بياناتك و هنكون معاك خطوة بخطوة.