دليلك من الألف للياء عن منطقة اللوتس

منطقة اللوتس من أهم مناطق القاهرة الجديدة، واتطورت بشكل سريع وملحوظ في السنين الأخيرة، وفي المقال ده هتعرف كل المعلومات عنها من حيث: (الموقع، تقسيمات الحي الداخلية، المناطق، المميزات، والعيوب)؛ عشان نساعدك تفهم أكتر عن أفضل المناطق السكنية المرغوبة في قلب القاهرة الجديدة. 

1- الموقع.

موجودة في وسط القاهرة الجديدة، تحديدًا في الجزء الشرقي منها. في شمالها الـ 90 الشمالي، جنوبها الـ 90 الجنوبي، والطريقين دول مربوطين بشارع النوادي، وكمان قريبة من:

أ- التجمع الخامس والجامعة الأمريكية.

ب- محور بن زايد اللي بيوصلك للعاصمة الإدارية الجديدة ومدينتي في أقل وقت.

ج- الطريق الدائري اللي بيربط أحياء القاهرة الجديدة بطريق القاهرة- السويس الصحراوي.

2- التقسيمة الداخلية للمنطقة.

بتتكون من 40% مباني ووحدات سكنية، و 30% منها مخصص للخدمات الترفيهية والمساحات الخضراء، و30% مخصص للمباني التجارية والإدارية. وتقسيمها المميز ده بيجي من إنها على شكل زهرة اللوتس، وده بيضمن أفضل توزيع للخدمات والأماكن.

3- مناطق اللوتس.

بتتكون من 3 مناطق رئيسية وهم:

أ- اللوتس الشمالية. 

 موجودة بشكل مباشر على شارع التسعين الشمالي، وفيها الخدمات الترفيهية والأساسية زي المحلات التجارية والنوادي.  

ب-اللوتس الجنوبية.

بتوازي شارع ال90 الجنوبي، ومن أفضل المناطق في القاهرة الجديدة عشان قريبة من المناطق الحيوية، وبيتوفر فيها كل الخدمات.

ج-اللوتس الجديدة.

بـتـتـوسط اللوتس الشمالية والجنوبية، فالبتالي بـتـسـتـفـيـد من كل مميزاتهم، وهي منطقة خصبة للخدمات والمولات التجارية، والمشاريع، والمراكز الطبية، والمكاتب الإدارية. 

ومشهورة بـهدوئها؛ لإن الكثافة السكانية فيها قليلة مقارنة باللوتس الشمالية والجنوبية، وبـتـتـنـوع فيها المساحات واللي بتبدأ من 150م لـ 250م.

4- مميزاتها اللي بتنفرد بيها عن أي منطقة تانية:

موقعها الاستراتيجي بيوفر  سهولة وسرعة في التنقل، سواء داخل المنطقة أو خارجها.

• فيها أكبر قاعدة خدمية في القاهرة من حيث:المدارس والجامعات والمستشفيات، والمولات التجارية، فـ كل احتياجاتك هتكون متوفرة. 

• قريبة من منطقة النوادي زي:  ( النادي الأهلي، نادي بنك مصر، وادي دجلة، نادي القاهرة الجديدة، نادي رويال الرياضي، نادي بلاتينيوم). 
• أسعار الوحدات فيها بتناسب كل فئات المجتمع. 
• الترافيك على منطقة اللوتس كبير؛ وده بسبب إن 60% من المدينة مخصصة للترفيه والخدمات.

إلا إن الحي فيه بعض العيوب البسيطة، بس الدولة والمطورين شغالين على تصليحها زي إن: فيه مناطق مفيهاش كهرباء كفاية بالليل،  مشاكل في:  خدمات الغاز والتليفون، وتشطيب الأرصفة.
  ولكن المنطقة بشكل عام هي وجهة لكتير من المستثمرين والمطورين؛ عشان موقعها المتميز، وخدامتها وأحيائها المتوزعين بأفضل شكل في المنطقة، وكل ده بيضمن إن سعر العقار فيها بـيـكون في تزايد مستمر، واللي من خلاله هيكون الاستثمار فيها مكاسبه كبيرة، وبالتالي لو بتدور على سكن مريح واستثمار مربح، خلي منطقة اللوتس من أول اختياراتك.